มะหาการุณิโก นาโถ                 หิตายะ   สัพพะปาณินัง

         ปุเรตวา ปาระมี สัพพา               ปัตโต สัมโพธิมุตตะมัง

         เอเตนะ สัจจะวัชเชนะ               โหตุ เต ชะยะมังคะลัง ฯ

                    ชะยันโต โพธิยา มูเล     สักยานัง นันทิวัฑฒะโน

          เอวัง ตวัง วิชะโย โหหิ              ชะยัสสุ ชะยะมังคะเล

         อะปะราชิตะปัลลังเก                 สีเส ปะฐะวิโปกขะเร

         อะภิเสเก สัพพะพุทธานัง           อัคคัปปัตโต ปะโมทะติ ฯ

         สุนักขัตตัง สุมังคะลัง                สุปะภาตัง สุหุฏฐิตัง

         สุกขะโณ สุมุหุตโต จะ              สุยิฏฐัง พรัหมะจาริสุ

         ปะทักขิณัง กายะกัมมัง             วาจากัมมัง ปะทักขิณัง

         ปะทักขิณัง มะโนกัมมัง             ปะณิธี เต ปะทักขิณา

         ปะทักขิณานิ กัตวานะ               ละภันตัตเถ   ปะทักขิเณ ฯ

                    โส อัตถะลัทโธ สุขิโต    วิรุฬโห พุทธะสาสะเน

         อะโรโค สุขิโต โหหิ                  สะหะ สัพเพหิ ญาติภิ

         สา อัตถะลัทธา สุขิตา                วิรุฬหา พุทธะสาสะเน

         อะโรคา สุขิตา โหหิ                   สะหะ สัพเพหิ ญาติภิ

         เต อัตถะลัทธา สุขิตา                 วิรุฬหา พุทธะสาสะเน

         อะโรคา สุขิตา โหถะ                  สิหะ สัพเพหิ ญาติภิ ฯ